वेळ

 

वेळ आहे अनमोल माणसा

वेळेला तू जाण माणसा ।।धृ ।।

नियतीचा हा खेळ माणसा

ओळखून तू चाल माणसा ।।1।।

 

वेळेवर जो करतो कर्म

त्याचे जीवन होते पावन

वेळे पेक्षा जगती कोणी

नाही आहे रे बलवान ।।2।।

 

भूत भविष्यात रंगुनी

मोहजालात अडकून

वर्तमान तू गमावू नको

वेळेला तू दवडू नको ।।3।।

 

लहानपण खेळण्यात

तारुण्य झोपण्यात

म्हातारपण राडण्यात

व्यर्थ तू घालवू नको ।।4।।

 

वेळ आणि कर्माची

सांगड घालुनी तू

यशाची तू कास धर

सुख भोगशील जीवनभर।।5।।

 

दिवास्वप्न रंगवूनी

वेळ घालवू नको

स्वतः बरोबर तू

जगताचा उद्धार कर।।6।।

 

वेळ नाहिरे कोणाची

जो तिच्याबरोबर चालेल

वेळेवर जो जागेल

वेळ होणार रे त्याची ।।7।।

आनंद जाधव

सरकारी उच्च प्राथमिक शाळा कोटमाल

ता हुलसुर जि बिदर

9535503233