आरोग्यवर्धक तुळस

 

दारी  तुळशीचे वृंदावन

शोभिते कृष्णाची भार्या

सर्वांच्याच घरी विराजित

प्रारंभ पुजूनी शुभकार्या  ||१||

 

आयुर्वेदामध्ये स्थान वरिष्ठ

सेवनाने रोग होतील नष्ट

मिळे आरोग्य, वैभव मानवा

प्राणवायूने  महामारी नष्ट||२||

 

तुळशी आहे आरोग्यवर्धक

शुद्ध हवेची ती शास्त्रशुद्धी

नवचैतन्याचे चिंन्ह सात्विक

निरोगी आरोग्य सुख-समृद्धी ||३||

 

रोज दिवा लावी तुजपाशी

घालून पाणी जोडी  कर

मिळे पतीवृत्ता सावित्रीचे

वारीत शोभिते  डोळीवर ||४||

 

पूजा - करूनी सकाळ ,संध्या

'पापनशिनी ' म्हणती तिला

तुळशी करी पापाचा संहार

त्यात समाधान मिळे मला ||५||

 

सौ. संगिता तुळशीराम पवार

सरस्वती विद्या निकेतन पा  सा. विक्रोळी  मुंबई ७८